Экскаваторлар, бурғулаш машиналари, танкерлар сайёрадаги энг улкан машиналар қаторини тўлдириб туради. «Мотор» ана шундай улкан машиналардан иборат жамланмани тақдим этди.
«ЭКГ — 35» экскаватори
Россиядаги энг йирик экскаваторнинг оғирлиги 1200 тоннани ташкил қилади. У 45 даража совуқдан 45 даража иссиққача бўлган об-ҳаво шароитида ишлай олади.
Big Muskle экскаватори
Дунёдаги энг йитик ҳаракатланувчи машина ҳисобланган экскаватор 1969 йилда ишлаб чиқарилган ва унинг оғирлиги 12 минг тоннани ташкил қилган. 1969—1991 йиллар давомида Big Muskle 20 миллион тоннадан кўпроқ кўмир қазиб олган.
Marion 6360
Оғирлиги 12700 тонна, қуввати 15 минг от кучига тенг бўлган экскаватор 1991 йилда ёниб кетган. Қайта таъмирлаш иқтисодий жиҳатдан самарасиз бўлгани учун бир йилдан сўнг утилизация қилинган.
Tenova TAKRAF F60 транспорт кўприги
Дунёдаги энг катта транспорт кўприги ҳисобланган иншоот Германияда очиқ усулда қазиб олинган кўмирни ташишга хизмат қилган.
«Ястреб» бурғулаш машинаси
Охота денгизи остида нефть қазиб олиш учун қурилган машина 13 километр узунликкача бурғулашга муваффақ бўлган. Ер сайёрасидаги энг узун ўнта бурғуланган қудуқнинг тўққизтаси «Ястреб» томонидан қазилган.
Prelude FLNG, дунёдаги энг катта сузувчи объект
Samsung Ҳеавй Индустриэс томонидан яратилган сузувчи завод сиқилган табиий газ ишлаб чиқаришга мўлжалланган. Узунлиги 480 метрдан иборат сузувчи завод экипажи 240 кишидан иборат бўлиб, у 2017 йилнинг июль ойи охирида ишга туширилган.
Knock Nevis, дунёдаги энг катта танкер
1976—2010 йиллардаги дунёда энг йирик ҳисобланган танкернинг узунлиги 458 метр бўлган.
Liebherr LR13000 юк автокрани
Улкан техника уч минг тонна юкни 12 метргача кўтара олади.
Taisun крани
Кўтариш қурилмаси 20 минг тонна оғирликдаги юкни кўтара олади. Баландлиги 133 метр бўлган мазкур кран ёрдамида нефть платформалари йиғилади. Кўтариш тезлиги соатига 10 метрни ташкил қилади.
Изоҳ (0)