Ekskavatorlar, burg‘ulash mashinalari, tankerlar sayyoradagi eng ulkan mashinalar qatorini to‘ldirib turadi. “Motor” ana shunday ulkan mashinalardan iborat jamlanmani taqdim etdi.
“EKG — 35” ekskavatori
Rossiyadagi eng yirik ekskavatorning og‘irligi 1200 tonnani tashkil qiladi. U 45 daraja sovuqdan 45 daraja issiqqacha bo‘lgan ob-havo sharoitida ishlay oladi.
Big Muskle ekskavatori
Dunyodagi eng yitik harakatlanuvchi mashina hisoblangan ekskavator 1969-yilda ishlab chiqarilgan va uning og‘irligi 12 ming tonnani tashkil qilgan. 1969—1991-yillar davomida Big Muskle 20 million tonnadan ko‘proq ko‘mir qazib olgan.
Marion 6360
Og‘irligi 12700 tonna, quvvati 15 ming ot kuchiga teng bo‘lgan ekskavator 1991-yilda yonib ketgan. Qayta ta’mirlash iqtisodiy jihatdan samarasiz bo‘lgani uchun bir yildan so‘ng utilizatsiya qilingan.
Tenova TAKRAF F60 transport ko‘prigi
Dunyodagi eng katta transport ko‘prigi hisoblangan inshoot Germaniyada ochiq usulda qazib olingan ko‘mirni tashishga xizmat qilgan.
“Yastreb” burg‘ulash mashinasi
Oxota dengizi ostida neft qazib olish uchun qurilgan mashina 13 kilometr uzunlikkacha burg‘ulashga muvaffaq bo‘lgan. Yer sayyorasidagi eng uzun o‘nta burg‘ulangan quduqning to‘qqiztasi “Yastreb” tomonidan qazilgan.
Prelude FLNG, dunyodagi eng katta suzuvchi obyekt
Samsung Heavy Industries tomonidan yaratilgan suzuvchi zavod siqilgan tabiiy gaz ishlab chiqarishga mo‘ljallangan. Uzunligi 480 metrdan iborat suzuvchi zavod ekipaji 240 kishidan iborat bo‘lib, u 2017-yilning iyul oyi oxirida ishga tushirilgan.
Knock Nevis, dunyodagi eng katta tanker
1976—2010-yillardagi dunyoda eng yirik hisoblangan tankerning uzunligi 458 metr bo‘lgan.
Liebherr LR13000 yuk avtokrani
Ulkan texnika uch ming tonna yukni 12 metrgacha ko‘tara oladi.
Taisun krani
Ko‘tarish qurilmasi 20 ming tonna og‘irlikdagi yukni ko‘tara oladi. Balandligi 133 metr bo‘lgan mazkur kran yordamida neft platformalari yig‘iladi. Ko‘tarish tezligi soatiga 10 metrni tashkil qiladi.
Izoh (0)