Украина пойтахти Киев шаҳридан чиқувчи Брест-Литовский шоссесида Daewoo машинаси бошқа автомобилни суриб кетаётган одамларга келиб урилди. Жабрланган тўрт киши касалхонага жўнатилган. Бу ҳақда «Корреспондент.net» хабар берди.
Хабарга кўра, ЙТҲ иштирокчиси бўлган Audi автомобилида ёқилғи тугаб қолган. Ҳайдовчи машинани йўлнинг четида тўхтатган. Автомобилда кетаётган одамлар ундан тушиб, энг яқин АЁҚШгача суриб боришни бошлаган. 30 метрдан сўнг «ВАЗ» автомобили уларга ёрдам бериш учун тўхтаган ва Audi’ни шатакка олмоқчи бўлган. Шу лаҳзада Daewoo катта тезликда келиб, Audi’нинг ортидан суриб кетаётган одамларга урилган ва уларни икки машина ўртасига қисиб қўйган.
ЙТҲ оқибатида шошилинч равишда тўрт киши касалхонага юборилган. Daewoo ҳайдовчисининг спиртли ичимлик ичганлиги ёки йўқлиги юзасидан ўтказилган тест 0,00 натижа кўрсатган.
Изоҳ (0)