Тўлиқ узатмали Mercedes-AMG E63 S автомобили Германиядаги Нюрбургринг пойга трассаси «Шимолий ҳалқа»сида энг тезкор универсалга айланди, деб ёзмоқда «Мотор».
Машина белгиланган масофани 7 дақиқа 45,19 сония ичида босиб ўтди. Хабар беришларича, Mercedes'нинг синови Германиянинг Sport Auto нашри томонидан ташкиллаштирилган.
«Кучайтирилган» бу универсал ҳажми тўрт литр, қуввати 612 от кучига тенг турбомотор ва тўққиз босқичли AMG Sportshift MCT автоматик узатмалар қутиси билан таъминланган.
Машина 3,5 сония ичида соатига 100 километрлик тезликка эришади. Унинг энг юқори тезлиги соатига 250 километр билан чеклаб қўйилган.
Изоҳ (0)