Қозоғистон Фавқулодда вазиятлар қўмитаси мамлакатда сентябрь ойида радиация сизиб чиқишига сабаб бўладиган ҳодиса юз бермаганини маълум қилди. Бу ҳақда "Коммерсантъ" хабар бермоқда.
Аввалроқ Франциянинг ядровий ва радиациявий хавфсизлик институти (IRSN) сентябрь ойида Россия ёки Қозоғистон ҳудудида юз берган радиациявий сизиб чиқиш оқибатида Европа узра радиация булути пайдо бўлгани ҳақида ахборот берган эди.
Мавзуга доир: Франциялик экспертлар Россия ёки Қозоғистонда радиациявий сизиб чиқиш ҳолати юз берганини маълум қилди
Радиация ядровий тиббиёт марказларидан сизиб чиққани эҳтимоли ҳақида фикр билдираркан, "Коммерсантъ"нинг манбаси «бундай кўламдаги авариянинг сезилмай қолиши имконсиз» эканига эътиборни қаратди.
Бундан ташқари, тиббиёт муассасалари IRSN ҳисоботида қайд этилган рутений эмас, балки ниобий изотопларидан фойдаланади.
Қозоғистондан аввалроқ Россия томони ҳам ўз ҳудудида радиация сизиб чиқиши юз бермаганини маълум қилган эди.
Изоҳ (0)