Фото: Эрдўғон Илон Маскка муқовасига ўз расми туширилган китобни совға қилди

8 ноябрь куни SpaceX ва Tesla компаниялари раҳбари Илон Маск Туркия президенти Ражаб Тоййиб Эрдўғоннинг меҳмони бўлди. Бир соатча давом этган учрашув Анқарадаги президент саройида ёпиқ эшиклар ортида ўтди.

Meduza’га кўра, сиёсатчи ва тижоратчи Туркиянинг Turksat сунъий йўлдошларини учириш истиқболларини, электромобиллар ва қайта тикланувчи энергия манбаларини ривожлантиришни муҳокама қилди. SpaceX, шунингдек, Туркия ҳукумати ва Airbus ўртасидаги келишув имзоланишида пудратчи сифатида қатнашди.

Reddit фойдаланувчилари Маск ва Эрдўғон учрашувида олинган фотосуратларга эътибор қаратди. Уларнинг кузатишича, Туркия етакчисиси Маскка ўзининг The Vision of New Turkey — The World is Bigger Than Five номли китобини совға қилган. Ушбу китоб муқовасида Эрдўғоннинг расми жойлаштирилган.