Обамани Чикагода суд маслаҳатчилари таркибига олишмади

АҚШ собиқ президенти Барак Обама Чикаго судида суд маслаҳатчиси бўлмайди, дея хабар бермоқда CNN.

Октябрь охирида Обама ўзи илгари яшаган Чикагода суд ишларидан бирида суд маслаҳатчиси бўлиб қатнашиш учун саралашдан ўтишга чақирилган эди.

8 ноябрь куни собиқ давлат раҳбари кўп сонли қўриқчилари даврасида суд биносига келди. Унинг ташрифи у ердаги оммада катта қизиқиш уйғотди. Одамлар Обама билан суратга тушди, ундан дастхат сўради.

Аммо тез орада округ катта судьяси Кук Тимоти Эванс журналистларга Обама суд маслаҳатчиси вазифасини бажаришдан озод этилганини маълум қилди. Сабабларни у келтирмади.

Америка қонунларига мувофиқ, маслаҳатчилар суди аъзолари сайловчилар рўйхатидан тасодифан танлаб олинади. Саралашга келиш ҳақида чақириқ қоғози олганлар суд биносига келиб, қатор саволларга жавоб бериши керак, шундан сўнг номзод суд маслаҳатчиси ролига тўғри келиш-келмаслиги аниқланади.