9 ноябрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев Самарқандга келди. Ташриф Ислом Каримов қабри зиёратидан бошланди.
2. АҚШ Ўзбекистон билан муносабатларни янги босқичга кўтаришдан манфаатдор. Шавкат Мирзиёев 9 ноябрь куни нафақат АҚШ делегациясини, балки БМТ ва ЕХҲТ вакилларини ҳам қабул қилди.
3. Ўзбекистон қизамиқ ва қизилчадан холи мамлакат деб тан олинди. Сўнгги ўн йилликда Ўзбекистон вакциналарни сотиб олишни барқарор ва мустақил равишда молиялаштиришга ўтди.
4. Тошкент давлат ўзбек тили ва адабиёти университети томонидан Ўзбек тилининг халқаро баҳолаш тизими — УзЛИСА яратилди. Ушбу тизим инглиз тилининг IELTS, корейс тилининг TOPIC, япон тилининг JLPT ва бошқа тилларнинг баҳолаш тизимлари билан бир қаторда ўзбек тили тарихида биринчи марта йўлга қўйилмоқда.
5. Мезбон Тожикистондан енгилган Ўзбекистон ёшлар термаси Осиё чемпионатидан четда қолди. Ўзбекистонлик ёш футболчиларни сўнгги ўйинда дуранг натижа ҳам қаноатлантирарди, бироқ улар мағлуб бўлди.
Изоҳ (0)