Нью-Йоркдаги эгизак минораларга уюштирилган ҳужумлардан сўнг АҚШ чет элдаги урушларга 4,3 триллион доллар сарфлади. Бундай хулосага Браун университетидаги Уотсон номли халқаро тадқиқотлар институти олимлари келди.
Уларнинг маърузасида айтилишича, ҳозирги низолар сақланиб қолган тақдирда, АҚШ харажатлари 2018 йил охирига келиб, қарийб 5,6 триллион долларни ташкил қилади. Шундан бир триллионга яқини жанговар ҳаракатлар ҳудудларини қайта тиклаш бўйича мажбуриятларга сарфланади.
Сўнгги 16 йил ичида ҳар битта америкалик солиқ тўловчи АҚШдан ташқарида урушлар олиб боришга ўртача 23 368 доллардан берган, дейилади хулосада.
Шу билан бирга, маъруза муаллифлари таъкидлашича, Пентагоннинг бу борадаги ҳисоб-китоблари натижалари анча паст. Мудофаа вазирлиги маълумотларига кўра, АҚШ 11 сентябрдан кейинги урушларга 1,52 триллион доллар сарфлаган, яъни ҳар бир солиқ тўловчи ўртача 7 340 доллардан берган.
Изоҳ (0)