Henley & Partners консалтинг компанияси томонидан тузилган янги рейтингга кўра, Мальта сармоявий фуқаролик дастури кетма-кет учинчи бор дунёдаги энг яхши деб топилди. Бу ҳақда Daily Afisha хабар берди.
Рўйхатдан Мальтадан кейинги ўринларни Кипр, Австрия, Антигуа ва Барбуда, шунингдек, Гренада жой олди.
Резидентлар сармоявий дастури рейтингига эса Португалия етакчилик қилмоқда. Португалияда яшаш ҳуқуқини қўлга киритиш учун чорак миллион евро сармоя киритиш кифоя.
Португалиядан кейинги ўринни Австрия, ундан кейинги поғонани эса Бельгия эгаллади. Мамлакатларнинг ўтган йилги натижалари билан тасққосланганда уларнинг ўрни алмашган, Мальта эса тўртинчи ўриндалигича қолган. Henley & Partners рейтингидан биринчи бор Таиланд сармоявий дастури ўрин олди ва у бирданига бешинчи поғонага кўтарилди.
Сармоявий фуқаролик ва яшаш учун рухсатномалар дастурларини таҳлил қилишда бир нечта мезонлар эътиборга олинади: тажриба, турмуш сифати, бошқа мамлакатларга визасиз саёҳат қилиш, иловаларни қайта ишлаш вақти ва сифати, талабларга риоя қилиш ва сармоя киритиш шартлари. Фуқароликни баҳолашда эса бир қатор бошқа омиллар ҳам ҳисобга олинади: мамлакатда истиқомат қилиш мажбурияти, бошқа давлатларга кўчиб ўтиш эҳтимоллиги, мамлакатга ташриф буюриш ва процедура ошкоралиги.
Изоҳ (0)