Читадаги ўлка суд-тиббий экспертизаси бюроси биносига урилиши оқибатида бир ярим ойда 50 га яқин қуш нобуд бўлди, деб хабар беради «ТАСС».
Қушларнинг ўлимига бинога қарағай дарахтларининг акси кўриниб турадиган пластик ромларнинг ўрнатилиши сабаб бўлган.
«Читадан бўлган қўнғироқлардан сўнг биз ҳодиса жойига бордик. Маълум бўлишича, бир ярим ойда 50 га яқин қушлар нобуд бўлган. Айрим кунлари бир кунда бир нечта қушлар нобуд бўлади. Асосан, чумчуқсимон ўрмон қушлари, чумчуқлар ва қизилиштонлар нобуд бўлган», — дейди орнитолог Олег Горошко.
«Қушлар ойнани кўрмай, қарағай томон учган ва ойнага урилиб нобуд бўлган», — дейилади хабарда.
Орнитолог бюро ходимларига пластик деразлар ойналарига қушларнинг диққатини тортадиган ёрқин нарсалар, масалан сариқ ёки қизил рангдаги қоғоздан ясалган гулларни ёпиштириб қўйишни маслаҳат берган.
Изоҳ (0)