АҚШ молия вазирлигининг маълум қилишича, 9 ноябрдан эътиборан Вашингтон Кубага нисбатан санкцияларни қатъийлаштиради, деб хабар беради «Корреспондент.net».
«Биз Куба халқига сиёсий ва иқтисодий эркинликни тақдим этиш учун мазкур мамлакатга нисбатан чораларни қаъийлаштирамиз», — дейди АҚШ молия вазири Стивен Мнучин.
Асосий ўзгаришлар молиявий транзакциялар, савдо, таълим олиш билан боғлиқ сафарлар ва бошқа бир қатор йўналишларга тааллуқли бўлади.
Хусусан, Америка юрисдикцияси назоратида бўлган фуқароларга АҚШ давлат департаменти рўйхатига киритилган ташкилотлар билан молиявий келишувларни амалга ошириш тақиқланди.
Мазкур тақиқ Куба армияси назорати остида бўлган ёки унинг номидан ҳаракат қиладиган ташкилотларга, разведка, хавфсизлик хизматларига тегишли.
Кубага таълим дастурлари орқали бормоқчи бўлган шахслар ҳам мазкур ташрифни Америка юрисдикцияси назорати остида бўлган ташкилотлар орқали амалга оширади.
Изоҳ (0)