НАТОда кибертаҳдидларга қарши туриш бўйича қўмондонлик маркази ташкил этилади. Бу ҳақдаги қарор альянс мудофаа вазирларининг Брюсселдаги учрашувида қабул қилинди, дея хабар беради Meduza.
Учрашув қатнашчилари киберҳужумларни жанговар ҳаракатларнинг бир қисми сифатида тан олди. Марказнинг вазифаси бундай ҳужумлардан самарали ҳимояланишдан иборат.
Янги ташкилот қаерда жойлашишига аниқлик киритилмади, бироқ у НАТОнинг мавжуд тизимидан ўрин олиши билдирилди.
Альянс бош котиби Йенс Столтенбергга кўра, охирги пайтларда НАТОнинг кўплаб давлатлари Россия томонидан уюштирилаётган хакерлик ҳужумларидан нолимоқда. Бироқ альянснинг кибертаҳдидларга қарши кураш борасида барча ҳаракатлари мудофаа кўринишида бўлади ва бирон-бир мамлакатга қарши қаратилмайди.
Изоҳ (0)