Россиянинг Тула вилоятида тўққизинчи синф ўқувчиси онасининг маслаҳатига қулоқ тутиб, яширинча дунёга келтирган ўғлини ахлат халтасига солиб, яқин орадаги ахлаттепага ташлаб юборди, деб ёзади «MK.ru».
15 ёшли қиз ва унинг онаси чақалоқнинг туғилиши оила учун катта юк бўлади деган хулосага келиб, боланинг жасадини эса ҳеч ким сезмайди, деб ўйлаган, чунки қишлоқдан ҳафталар давомида ахлат олиб чиқиб кетилмайди.
Аммо ҳар куни озуқа топиш мақсадида контейнерларни титадиган маҳаллий фуқаролардан бири чақалоқнинг жасадини топиб олди ва бутун қишлоқни бошига кўтарди.
Маҳаллий фуқаролар айтишича, қизнинг ота-онаси ичкиликбоз бўлган ва фарзандига етарлича эътибор бермаган. Қиз эса боласининг отаси кимлигини билмагани учун, ўз ҳомиладорлигини ҳаммадан яширган.
Чақалоқ эса ҳаво совуқлиги туфайли ўша кечасиёқ нобуд бўлган. Миш-мишларга кўра, қизнинг ота-онасини ота-оналик ҳуқуқидан маҳрум қилишмоқчи.
Изоҳ (0)