Ўзбекистонда Huawei компаниясининг Honor 6А ва Honor 6C смартфонлари сотила бошлади, деб ёзади «Mobinfo.uz». Улар алоҳида Honor бренди линейкасидаги моделлардир.
Huawei Honor 6А 2017 йил майида тақдим этилган арзон смартфондир. Қирралари бироз айлана бўлган металл корпусли қурилма 5 дюймли ва 1280×720 пикселли IPS-экран, 8 ядроли Qualcomm Snapdragon 430 процессори, 2 Гб тезкор ва 16 Гб доимий хотира (+microSD), 13 мегапикселли ёруғлик диодли вспишкали ва фазавий автофокусли камерага эга. Смартфон Android 7.0 операцион тизимида ишлайди.
Honor 6C техник жиҳатдан анча илғорроқ бўлиб, 8 ядроли Qualcomm Snapdragon 435 процессори, LTPS-экрани, 3 Гб тезкор ва 32 Гб доимий хотираси (+microSD) билан фарқланади. Дастурий қисми Android 6.0 Marshmallow асосидаги EMUI 4.1 қобиғига қурилган.
Тошкент бозорида Honor 6А 1 222 250 сўмга, Honor 6C эса 1 467 000 сўмга таклиф қилинмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)