Сан-Францискода (Калифорния штати, АҚШ) iPhone X’нинг расмий савдоси бошланишига бир неча соат қолганида, номаълум шахслар Apple Store’га смартфонлар партиясини олиб кетаётган UPS курьерлик хизматининг юк машинасини очиб, у ердан 313 дона қурилмани ўғирлаб кетган. Ўғирланган iPhone’ларнинг умумий миқдори 370 минг долларга баҳоланмоқда, деб хабар берди TJournal.
Полициянинг маълумотларига кўра, юк машинаси ҳайдовчиси автомобилни Apple дўкони олдига қўйиб, унинг ичидан чиққан. Шу орада UPS транспортига капюшон кийган уч киши яқинлашган ва уни буза бошланган. Автотураргоҳ ходими жиноятчилар телефон қутиларини ўғирлаб кетаётганини кўрган ва уларни суратга олишга ҳам муваффақ бўлган. Сурат ҳуқуқ-тартибот идораларига топширилган: ОАВларда у эълон қилинмади.
Полиция ўғрилар юк машинасини кузатганлигига ишончи комил. CNet’даги манбанинг сўзлашича, iPhone X’ни олдиндан буюртма қилиб, уни Apple Store’дан олиб кетишни режалаштирган мижозлар барибир қурилмаларини олади. Аммо у дўкон ёнида навбат кутиб турганлар нима қилиши лозимлиги ҳақида маълумот бермаган.
Изоҳ (0)