Ўзбекистонда Xiaomi компаниясининг Mi MIX 2 фаблети сотила бошлади, деб ёзади «Mobinfo.uz». Қурилма ромлари сезилар-сезилмас бўлган экран ва керамик корпусга эга бўлди.
Фаблет 5,99 дюйм ва 2160×1080 пикселли экран, тўрт ядроли Qualcomm Snapdragon 835 процессори, 6 Гб тезкор хотира, 12 мегапикселли асосий ва 5 мегапикселли олд камера, 3400 мА/соат сиғимли аккумулятор билан жиҳозланган. Қурилма МIUI 9.0 фирма қобиқли Android 7.1 Nougat операцион тизимида ишлайди.
Xiaomi Mi MIX 2 нинг 6 Гб тезкор ва 64 Гб доимий хотирали версияси Тошкентдаги «Флешка» савдо марказида 3,9 миллион сўмга сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)