Apple раҳбари Тим Кук инвесторлар билан бўлиб ўтган конференц-мулоқот вақтида iPhone X’нинг нархини бир финжон қаҳвага қиёслади, деб хабар берди «Корреспондент.net».
Унинг сўзларига кўра, минг долларга янги iPhone’ни сотиб олиш «қиммат қаҳвахоналардан бирида ҳар куни бир финжон қаҳва ичишдан арзонроқ туради». Шу билан бирга, у гап смартфонни «пулини бўлиб тўлаш шарти билан сотиб олиш» ҳақида кетаётганини таъкидлаб ўтди.
«iPhone’ни янгилаш дастурига кўра, Apple’нинг энг қиммат смартфони учун тўлов ойига 56 долларни ташкил этади. Бу кунига икки доллардан камроқ демакдир, Нью-Йоркда қаҳванинг ўртача нархи 4 доллар туради», — деди Apple раҳбари.
Кукнинг сўзларига кўра, бир финжон қаҳва сотиб олишга қодир ҳар қандай одам iPhone X ҳам сотиб олиши мумкин.
Изоҳ (0)