Франция пойтахти яқинидаги Кретей шаҳрида ит яҳудийлар оиласини ёнғиндан қутқариб қолди, деб хабар бермоқда Tablet Mag.
Ҳодиса 4 ноябрь куни тунда юз берган. Оила аъзолари итнинг тинимсиз ҳуришидан уйғониб кетган ва нима бўлаётганини текширган. Улар кириш эшигидан уйга тутун кираётганини кўрган.
Антисемитизмга қарши кураш миллий бюросининг хабарига кўра, номаълум киши эшикка тез ёнувчан суюқлик сепган ва кейин уни ёққан.
Ёнғинда гумонланиб, оиланинг араб қўшниси қўлга олинган. У ижтимоий тармоқда бир неча марта антисемитизм руҳидаги пост қолдирган.
Таъкидланишича, бир ҳафта аввал номаълум шахс худди шу оиланинг автомобилини ёқиб юборган.
Изоҳ (0)