Океанлар Ер юзининг 71 фоизини эгаллаган ва баъзида довуллар сув остида «яшириниб ётган» ғаройиб нарсаларни қирғоққа чиқариб ташлайди.
Ассu Wеаther нашри довуллар оқибатида пляжлар қирғоғига чиқиб қолган ғалати объектлар ҳақида маълумот тўплаб тақдим этди, деб хабар берди Forum Daily.
Буй-бомба
Қирғоққа чиқиб қолган ушбу бомба ҳамон фаол бўлган ва унинг фонида фарзандларни суратга олган оила бундан шокка тушган. Кейинроқ қирғоқ муҳофазаси ходимлари пляжни эвакуация қилган ҳамда бомба назорат остида портлатилган.
Бананлар
Нидерландиянинг иккита ороли аҳолиси ўз қирғоқларида ҳали пишмаган бананларни кўришганидан ҳайратдан ёқ ушлашган. Кейинроқ маълум бўлишича, бананлар денгизда довулга дуч келган юк кемасидан тушиб қолган.
Nike кроссовкалари
1990 йилда Тинч океанида довулга учраган юк кемасидан олтмиш мингдан ортиқ Nike Кроссовкалари океанга тушиб кетган. Океанограф Курт Эббесмаер ўнг йиллар давомида ушбу оёқ кийимларнинг океандаги ҳаракатини кузатган.
Мотоцикл
2011 йили Японияда цунамига дуч келган Harley Davidson мотоцикли 6500 километр наридан, Канада ғарбидаги Грэм ороли қирғоғидан топилган.
Мотоцикл контейнерда бўлганлиги сабаб океанни бемалол сузиб ўтган ва яхши ҳолатда сақланиб қолган.
Фуқаролар уруши вақтида замбарак ўқлари
Полиция «Мэтью» тўфонидан сўнг, Жанубий Каролинадаги пляжда 150 йил олдинги замбарак ўқлари топилгач, у ерни беркитиб қўйган.
Уларни маҳаллий аҳоли топиб олган ва бу ҳақда дарҳол ҳуқуқ-тартибот ходимларига хабар берган.
Изоҳ (0)