Буюк Британияда яшовчи Мартин Килминистер оғир касалликка чалинганини уч ой аввал билди, деб хабар беради 7MedNews.
Дастлаб 28 ёшли қиз белида кучли оғриқлардан азият чекди, сўнг оғриқ унинг оёқларида ҳам пайдо бўлди.
Шифокорлар қўйган ташхис Мартин ва унинг қаллиғини даҳшатга солди. Қиз умуртқа саратонига чалинган эди. Онкологларнинг сўзларига кўра, қизнинг узоғи билан 18 ой умри қолган.
Севган қизини йўқотиши ҳақидаги хабар Кристофер учун оғир зарба бўлди. У Мартин билан 12 йилдан бери бирга ва бу вақт оралиғида улар икки фарзандли бўлган эди. Шифокорлар ташхисини билгач, жуфтлик тўй қилишга аҳд қилди.
Мартиннинг сўзларига кўра, қўрқинчли ташхисдан сўнг бир ой ўтиб улар тўй қилган ва бу қизнинг орзусидаги тўй эди.
Тўйга ташриф буюрган меҳмонлар Кристофернинг Мартиннинг қўлидан тутиб Аerosmith’нинг «I don’t want to miss a thing» («Сени бир дақиқага ҳам йўқотишни истамайман») қўшиғи садолари остида рақсга тушаётганини кўриб, кўз ёшларини тутиб туролмади.
Ҳозирда Мартин Килминистер ўз касаллиги билан курашишда давом этмоқда.
Жуфтлик тўй саёҳатига боришни ҳам режалаштирмоқда. Яқин кунларда Мартин кимёвий терапия муолажаларини олади, бироқ афсуски муолажалар Мартинни даволай олмайди. Улар касаллик ривожланишини секинлаштириши мумкин, холос.
Мартин имкон қадар кўпроқ вақтини яқинлари билан ўтказишни ва ўзидан фақат яхши хотираларни қолдиришни исташини айтган.
У ўзидек оғир касалликка чалинган инсонларни ўз орзусидан воз кечмасликка ундамоқда.
Изоҳ (0)