Россия ҳарбий базасининг Кубада жойлаштирилиши хавфсизлик манфаатлари учун хизмат қилади, шунингдек, ҳарбий-денгиз флотини Вьетнамга қайтариш ҳақида ҳам ўйлаб кўриш лозим. Бу ҳақда Федерация кенгаши мудофаа қўмитаси раиси, ҳарбий-коинот кучлари собиқ қўмондони Виктор Бондарев маълум қилди, дея хабар беради «Коммерсантъ».
Бунинг учун Куба ва Вьетнам расмийларининг розилиги талаб этилади.
«Америка тажовузи кучайиб бораётган шароитда Кубада Россия ҳарбий базасининг жойлаштирилиши халқаро хавфсизлик манфаатлари учун хизмат қилган бўларди», — деди Бондарев.
Сенаторга кўра, олдинлари Россиянинг Озодлик оролидаги ҳарбий иштироки Қўшма Штатлари тажовузини тийиб туришда қўл келган.
Изоҳ (0)