Россиялик олимлар нима сабабдан космосга биринчи бор зотдор ит эмас, бошпанасиз ит учирилганига тушунтириш берди: Лайканинг ташқи кўриниши суратбоп бўлган, шунингдек, у космик кемада эркак итлардан кўра камроқ жойни эгаллаган. Бу ҳақда Phys.org’га таяниб, «РИА Новости» хабар берди.
«Биз урғочи итлар ўзларининг табиий эҳтиёжини қондириши учун оёқларини кўтаришига ҳожат йўқлиги, шунингдек, эркак итдан кўра камроқ жойни эгаллагани учун танладик. Бундан ташқари кўча итини танлашимизга сабаб, улар зотдор итлар каби инжиқ эмас ва анча изланувчан», — деди Россия Фанлар академиясининг Тиббий-биологик муаммолар институти биологи, Лайка ва бошқа итларни парвозга тайёрлаган Адиля Котовская.
Лайка космосга 1957 йилнинг 3 ноябрида «Спутник-2» совет ракетаси орқали учирилган.
Лайканинг ҳаёти ўзидан кейин космосга парвоз қилган Белка ва Стрелканикидан фарқли ўлароқ фожиали тарзда якунланган — конструкторлар хатоси ва капсулада терморегуляция тизимининг йўқлиги сабаб у парвоздан бир неча соат ўтгач ҳалок бўлган.
Изоҳ (0)