ИШИД террорчилик ташкилоти раҳбари Абу Бакр ал-Бағдодий Ироқдан Сурияга кўчиб ўтди. Бу ҳақда Мисрнинг Аd Dustour газетаси Ироқ разведкасидаги манбасига таяниб хабар берди.
Маълумотларга кўра, ал-Бағдодий Ироқнинг Анбар вилоятидан тахминан Дайр-аз-Зорга кўчиб ўтган. ИШИД раҳбари ўзининг кўчиб ўтаётгани махфийлигини таъминлаш мақсадида кўзга ташланмайдиган автомобиль — оддий сариқ таксидан фойдаланган.
28 сентябрь куни ал-Бағдодий ўз орқадошларига мурожаат қилган эди. Мурожаатга кўра, ал-Бағдодий Сурия ва Ироқ ҳукумат қўшинлари билан ИШИД аъзолари ўртасидаги қуролли тўқнашувлар зоналарида содир бўлаётган воқеалардан хабардор эканлиги маълум бўлди.
Жорий йилнинг июнь ойида Россия Мудофаа вазирлиги ИШИД раҳбари Раққа шаҳри яқинида авиазарбалар натижасида ҳалок бўлган бўлиши мумкинлиги ҳақида хабар тарқатганди. Бироқ ушбу маълумот ўз исботини топмади: Ироқ ИИВ ал-Бағдодий тирик ва Сурия ҳудудида яширинишни давом этаётганини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)