АҚШ президенти Дональд Трамп Шимолий Корея АҚШга қарши ядровий қуролдан фойдаланиши мумкинлиги ҳақидаги фикрларга қўшилмаслигини билдирди. Бу ҳақда у ABC телеканалига берган интервьюсида маълум қилди, деб хабар беради «ТАСС».
Журналист давлат раҳбарига америкаликларнинг ярми Шимолий Корея ядровий қурол қўллашидан қўрқаётгани ҳақида савол берди.
«Бундайлар кўплиги ачинарли. Мен бунга мутлақо қўшилмайман», — деди Трамп.
«Нима бўлишини кўрамиз. Мен яқинда борадиган Хитой ва ХХР раиси Си Цзиньпин бу масала устида ишлаётганига аминман», — қўшимча қилди Оқ Уй хўжайини.
Изоҳ (0)