Миср аэропортларини модернизация қилиш ва кенгайтириш учун маблағ ажратмоқда. Бу ҳақда мамлакат фуқаролик авиацияси вазири Шариф Фатҳий маълум қилди, деб хабар беради «ТАСС».
«Қоҳира халқаро аэропортида модернизация ишлари бошлаб юборилди, бу 700 миллион фунтга (40 миллион доллар) тушади. Ҳаво қўналғаси инфраструктурасини ривожлантириш бўйича лойиҳаларни молиялаштириш давлат бюджетидан эмас, Egypt Air холдингига кирувчи хусусий компаниялар томонидан амалга оширилмоқда», — деди вазир.
Фатҳийга кўра, вазирлик Хургада аэропорти инфраструктурасини яхшилаш устида ишламоқда, Искандария ва Синай ярим ороли марказидаги аэропортларни ривожлантириш юзасидан режалар мавжуд.
«Шунингдек, Шарм аш-Шайх аэропортини кенгайтириш учун 450 миллион фунт (25,5 миллион доллар) ажратилмоқда. Бу билан унинг йўловчи қабул қилиш имконияти икки миллион кишига етади», — таъкидлади вазир.
Изоҳ (0)