Афғонистон шарқидаги Пактия вилоятида учувчисиз учиш қурилмаси ёрдамида берилган зарба натижасида Толибон ҳаракатининг камида тўрт нафар жангариси, жумладан, дала қўмондонларидан бири йўқ қилинди. Бу ҳақда «Синьхуа» агентлиги маълум қилди, деб хабар беради «ТАСС».
«Мулла Форуқ толибларнинг Пактия вилояти маъмурий маркази Гардез шаҳридаги дала қўмондони эди. Унинг ўлими Пактия ва қўшни Хост вилоятидаги жангарилар учун жиддий зарба бўлиши мумкин», — таъкидлади маҳаллий маъмурият вакили.
Агентликка кўра, 4 ноябрь, шанба куни НАТО учувчисиз учиш қурилмалари зарбаси туфайли Нангархар вилоятида ИШИДнинг 15 нафар жангариси ҳам ўлдирилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)