Миш-мишларга кўра, Samsung иккита янги Galaxy S9 флагман қурилмалари устида анчадан буён иш олиб бормоқда, деб ёзади «Hi-tech.mail.ru». Хитойлик ишончли манба бўлғуси флагманнинг схематик тасвирларини, шунингдек, унинг баъзи хусусиятларини ошкор қилди.
Консептуал тасвирга кўра, Galaxy S9 ва S9 Plus худди Galaxy S8 ва S8 Plus каби кўринишга эга, аммо қуйи қисмида деярли умуман ром йўқ. Аввалроқ янги флагманларнинг пастки қисмида (Home тугмаси ўрнида) бармоқ изи сканери жойлашадиган кесим бўлиши айтилган эди.
Шунингдек, Galaxy S9 5,8 дюймли Infinity дисплейи, 12 мегапикселли олд ва 16 мегапикселли орқа камера билан жиҳозланади. Samsung бармоқ изи датчигини сақлаб қолган ҳолда, 3D-камера билан юзни таниб олиш функциясини киритмоқчи.
Манба тахмин қилишича, компания Galaxy S9 ва S9 Plus’да наушник учун портни олиб ташлашни режалаштирмоқда.
Изоҳ (0)