Терговчилар 31 октябрь, сешанба куни Нью-Йоркда юз берган теракт ижрочисининг компьютеридан ИШИД террорчилик ташкилотига алоқадор материалларни топди. Бу ҳақда, CNN телеканалига асосланиб, «ТАСС» хабар бермоқда.
Манба маълумотларига кўра, келиб чиқиши ўзбекистонлик Сайфулло Соипов ижтимоий тармоқларда ҳам ИШИД тарғиботи олиб бориладиган аккаунтларга аъзо бўлган.
CNN репортажида қайд этилишича, айни вақтда шифохонада қолаётган Соипов 1 ноябрга ўтар кечаси ФҚБ терговчилари ва Нью-Йорк полицияси томонидан сўроққа тутилган.
Телеканалнинг хабар қилишича, Соипов умуман олганда ҳуқуқ-тартибот органлари ходимлари билан гаплашишдан бўйин товламаяпти.
Хабар беришларича, маъмурият Соиповнинг Нью-Жерсидаги уйида тинтув ўтказган, шунингдек, унинг турмуш ўртоғини сўроққа тутган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)