Сурия ҳукумат қўшинлари 31 октябрь куни Дайр аз-Завр шаҳрининг уч туманидан ИШИД жангариларини сиқиб чиқарди. Ар-Рассафа, Қанамат ва Матар ал-Қадим туманлари озод қилинди, деб хабар беради «ТАСС».
Айни пайтда армия шаҳарнинг ал-Ҳамидия туманида тозалаш ишларини давом эттирмоқда. Ал-Ҳамидия жангарилар қўлида қолаётган энг йирик тумандир. Таъкидланишича, террорчилар Фрот дарёси бўйига сиқиб чиқарилмоқда.
Ҳозир ҳукумат кучлари Дайр аз-Завр ҳудудининг 92 фоизини назоратда тутиб турибди. Жангариларнинг охирги таянч нуқталари ал-Аради, Шайх Ёсин ва Хасарат туманларида қолмоқда.
Шунингдек, охирги сутка мобайнида 50 дан ортиқ террорчилар йўқ қилингани хабар қилинди. Армия ва кўнгиллилардан 23 киши қурбон бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)