Air Arabia авиакомпаниясининг самолёти Ҳиндистоннинг Коимбатур шаҳрига қўнишни амалга ошираётган вақтида товус билан тўқнашиб кетди. Бу ҳақда маҳаллий ОАВларга таяниб, Arabian Business хабар берди.
Қўниш жойига учиб келган Airbus A320 самолётининг учувчиси диспетчерга қуш билан тўқнашиб кетганини маълум қилган. Учувчи самолётни хавфсиз тарзда ерга қўндиришга муваффақ бўлган.
Ҳодиса оқибатида минимал зарар етган бўлишига қарамай, Шаржага қайтиш парвози 16 соатга ушланиб қолган — таъмирлаш учун зарур бўлган қисмлар бошқа шаҳардан (Бангалордан) олиб келинган.
Изоҳ (0)