Ўзбекистоннинг 8 та ҳудудида замонавий, ўз ичига қаттиқ маиший чиқиндиларнинг барча жараёнини қамраб олувчи шу жумладан, уларни йиғиш, олиб кетиш, утилизация қилиш ва қайта ишлашга мўлжалланган кластерлар иш бошлади.
Ўзбекистон Республикаси Президенти Шавкат Мирзиёев томонидан жорий йилнинг апрель ойида республикада санитария ва экологик вазиятни яхшилаш, чиқиндиларни одамлар соғлиғига бўлган зарарини олдини олиш, муносиб турмуш шароитларини яратиш ва умуман олганда аҳоли турмуш даражаси ҳамда сифатини янада оширишга қаратилган «2017—2021 йилларда маиший чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш чора-тадбирлари тўғрисида»ги қарори қабул қилинди.
Хусусан, ҳужжатда тижорат банкларининг имтиёзли кредит ресурслари ва тадбиркорларнинг ўз маблағлари ҳисобидан қаттиқ маиший чиқиндиларни утилизация қилиш ва қайта ишлаш тизимини тубдан такомиллаштириш, уларни қайта ишлаш технологиясини жорий этиш кўзда тутилган.
Ушбу қарор замонавий технологиялар асосида республикада санитария қоидалари, меъёрлари ва гигиена стандартларига экологик талабларга мувофиқ қаттиқ чиқиндиларни йиғиш, саралаш, ташиш, шунингдек, органик ўғитлар ишлаб чиқаришни ташкил этишни қамраб олувчи утилизация қилиш ва қайта ишлашнинг ягона тизимини яратишга имкон берди.
Натижада, аҳолига қаттиқ маиший чиқиндиларни ташиш бўйича марказлаштирилган хизматлар билан қоплаш 2017 йилда 63%гача 2021 йилда эса 93% гача кўтарилади.
Реклама ҳуқуқи асосида!
Изоҳ (0)