O‘zbekistonning 8 ta hududida zamonaviy, o‘z ichiga qattiq maishiy chiqindilarning barcha jarayonini qamrab oluvchi shu jumladan, ularni yig‘ish, olib ketish, utilizatsiya qilish va qayta ishlashga mo‘ljallangan klasterlar ish boshladi.
O‘zbekiston Respublikasi Prezidenti Shavkat Mirziyoyev tomonidan joriy yilning aprel oyida respublikada sanitariya va ekologik vaziyatni yaxshilash, chiqindilarni odamlar sog‘lig‘iga bo‘lgan zararini oldini olish, munosib turmush sharoitlarini yaratish va umuman olganda aholi turmush darajasi hamda sifatini yanada oshirishga qaratilgan “2017—2021-yillarda maishiy chiqindilar bilan bog‘liq ishlarni amalga oshirish tizimini tubdan takomillashtirish va rivojlantirish chora-tadbirlari to‘g‘risida”gi qarori qabul qilindi.
Xususan, hujjatda tijorat banklarining imtiyozli kredit resurslari va tadbirkorlarning o‘z mablag‘lari hisobidan qattiq maishiy chiqindilarni utilizatsiya qilish va qayta ishlash tizimini tubdan takomillashtirish, ularni qayta ishlash texnologiyasini joriy etish ko‘zda tutilgan.
Ushbu qaror zamonaviy texnologiyalar asosida respublikada sanitariya qoidalari, me’yorlari va gigiyena standartlariga ekologik talablarga muvofiq qattiq chiqindilarni yig‘ish, saralash, tashish, shuningdek, organik o‘g‘itlar ishlab chiqarishni tashkil etishni qamrab oluvchi utilizatsiya qilish va qayta ishlashning yagona tizimini yaratishga imkon berdi.
Natijada, aholiga qattiq maishiy chiqindilarni tashish bo‘yicha markazlashtirilgan xizmatlar bilan qoplash 2017-yilda 63%gacha 2021-yilda esa 93% gacha ko‘tariladi.
Reklama huquqi asosida!
Izoh (0)