Жиззахнинг «Сўғдиёна» клуби бош мураббийи Игорь Шквирин ЎФФ ва ПФЛнинг Олий Лига клубларини 12 та қолдириш борасидаги қарорини қоралади. Бу борада унинг интервьюси «Championat.asia» сайтида кўриниш берди.
Вадим Абрамов: Жамоалар 12 та қолар экан. Футболчилар шокда, машғулотларни йиғиштириб қўяверайликми?
Кайфият қандай бўлиши мумкин? Янгиликни эшитиб, ҳаммамиз ҳайрон қолдик. ЎФФ сайтида чиққан хабар кайфиятимни анча тушириб юборди. Чунки федерация раҳбарияти билан учрашганимизда бошқача суҳбат бўлганди, амалда эса бошқача бўлиб чиқди.Игорь Шквирин, «Сўғдиёна» бош мураббийи
Хушнуд Худойбердиев: Чемпионат якуни арафасида Олий Лигада 12 та клуб қолишини эълон қилиш — коррупцияга қўйилган қадам
Шквириннинг айтишича, ЎФФ аввалига дастлабки 10 та ўринда бораётган клуб раҳбарияти билан учрашган. Кейин эса қолган 6 та жамоа вакилларини чақирган. Суҳбат давомида ёш футболчилар, легионерлар каби масалалар кўтарилган. ЎФФ бунда клуб вакилларини эшитган, бироқ улар айтган фикрларга барибир қулоқ солмаган.Олий лига формати қандай бўлиши, нечта жамоани қолдириш, 12 тами, 14 тами, гап борди. Шунда мен ҳам ўз фикримни айтдим: майли формат ўзгарсин, лекин 2018 йилдан эмас, балки 2019 йилдан. Чунки бу йил чиқарилган регламент кейинги йилги мусобақа учун асос бўлиши керак.ЎФФнинг қарорига қарши эмасмиз, аммо спорт тамойилларини ҳам унутмаслигимиз керак. Агар ЎФФ кейинги йил ҳам олий лигада 16 та жамоа иштирок этади ва 2018 йилдан бошлаб 12 та жамоани қолдирамиз деб, бир йил олдин огоҳлантирганида бошқа гап эди. Яна қайтариб айтаман, федерациядагилар бизни эшитишди, лекин қулоқ солишмади.
Игорь Шквирин, «Сўғдиёна» бош мураббийи
Футбол журналистлари 12 талик лига таклиф қилгани рост. Бироқ ЎФФ ва ПФЛ умуман бошқа йўлдан юргани ҳам ҳақиқат
Мутахассис фикрига кўра, бундай масалаларда шошиш ярамайди.Фикрим ҳозир ҳам ўша-ўша. Бу ҳақда регламентга аввалдан киритиб ўтиш керак, айтайлик, 4 ё 5 та жамоа тушиб кетади, дея ҳаммани олдиндан огоҳлантириб қўйиш лозим. Мен хоҳлардимки, ҳамма клублар бир хил шароитга эга бўлсин. Ҳозир эса бундай бўлмаяпти: қарордан биз қатори «Нефтчи», «Шўртан» каби клублар ҳам азият чекиб қолишди. Менимча, бу қарор ҳали кўп муҳокама қилинади.Авваллари ЎФФ биносига киришда журналистлар, мутахассислар учун ҳеч қандай муаммо бўлмаган. Ташкилотнинг янги раҳбарияти эса бу ҳолатни ўзига эп билмаган.Биз олий лига формати ҳақида гапиряпмиз ва бундай пайтда шошмаслик керак эди. Аввал ҳаммани йиғиб мажлис ўтказиш, ҳамманинг фикрини ўрганиб чиқиш лозим эди. Яхши биласиз, олдинлари бу каби йиғилишлар бўлиб турарди. Ҳар бир жамоанинг бош мураббийи ва спорт директори келиб, ўз фикрини маълум қиларди. Ҳозир эса умуман ҳеч ким кутмаганда қарор чиқарилди. Спорт тамойиллари билан умуман ҳисоблашиб ўтирилмади, регламентга эса эътибор ҳам берилмади.
Ахир клублар эътироз билдирмаса ҳам, регламент бор-ку. Агар ҳамма нарса бир пасда ўзгарадиган бўлса, унда нима учун йил бошида регламент чиқарилган? Мана шу спорт тамойили эмасми? Кечирасиз-у, биз ҳозир ўзимиз йил бошида қабул қилинган қонунни бузяпмиз. Бу қарор натижасида келаси йил баъзи вилоятларда катта футбол йўқолиб қолади.
Игорь Шквирин, «Сўғдиёна» бош мураббийи
ЎФФда янги раҳбарият иш бошлаганидан бери фақат бир марта федерация биносига бордим, ичкарига кириш қийин бўлди. Дарвоза олдидаги милиция ходими ҳеч кимни киритмас экан. Олдинлари бемалол кириб чиқардик, аммо ҳозир ундай эмас. Ҳозир чақиришсагина боришингиз мумкин. Ўзингиз бирор иш билан борсангиз, ичкарига кириш қийин.Биз кейинги учрашувларга ҳам доимгидек ҳозирлик кўрамиз. Кеча кечки пайт машғулот ўтказдик ва айтишим мумкин, қарор футболчиларга ҳам жиддий таъсир қилиб, ҳеч ким кўнгилдагидек машқ қила олмади. Чунки қарор чемпионат давом этаётган пайтда эълон қилинди, шуниси ёмон. Бу интрига тушиб кетишига олиб келади. Мен ушбу қарорни тўғри деб билмайман, чунки спорт тамойиллари ва ҳозирги регламент умуман ҳисобга олинмади.
Игорь Шквирин, «Сўғдиёна» бош мураббийи
Изоҳ (0)