Россия Қозоғистоннинг давлат тилини лотин алифбосига ўтказиш қарорига тушуниш ва ҳурмат билан ёндашади. Бу ҳақда икки давлат парламент аъзолари учрашувида Россиянинг Қозоғистондаги элчиси Михаил Бочарников маълум қилди, дея хабар беради «Казинформ».
«Қозоғистон рус тилининг расмий мақоми конституция билан тасдиқланган давлат. Россия суверен Қозоғистоннинг давлат тилини лотин алифбосига ўтказиш қарорига тушуниш ва ҳурмат билан ёндашади. Шу билан бирга, президент Нурсултон Назарбоев ва мамлакатнинг бошқа расмийларига кўра, рус тилининг мавқейи, ўрта мактабларда рус тили сабоқлари ва унда дарс бериш сақланиб қолади. Зеро, мамлакат фуқароларининг рус тилининг эгаллаганлиги республика раҳбарияти томонидан Қозоғистоннинг муҳим маданий афзаллиги сифатида кўрилмоқда», — таъкидлади Россия элчиси.
Эслатиб ўтамиз, олдинроқ Қозоғистон президенти Нурсултон Назарбоев қозоқ тили алифбосини кириллдан лотин графикасига ўтказиш ҳақидаги фармонни имзолаганди.
Изоҳ (0)