Бағдод ва Арбил чегара ва баҳсли ҳудудлардаги бошқарув масаласини қисман ҳал этди

Ироқ федерал ҳукумати ҳамда Курдистон мухторияти расмийлари чегара пунктлари ва баҳсли ҳудудлардаги бошқарув масаласини қисман ҳал этди. Бу ҳақда «ТАСС» хабар бермоқда.

Айтилишича, бир қатор пунктлар бўйича келишувга Ироқ қуролли кучлари қўмондонлиги вакилларининг курд милицияси — «Пешмерга» раҳбарлари билан Мосулда ўтган музокаралари чоғида эришилган.

Айни пайтда Бағдод ва Арбил Ироқ, Туркия ва Сурия чегаралари туташган ҳудудда жойлашган «Фиш-Хабур» чегара пунктини топшириш масаласини ҳал қилган. Бу ҳудудда иккита қувур бирлашиб, у орқали Ироқнинг шимолий конлардан чиққан нефти Туркиянинг Ўрта Ер денгизида жойлашган Жайҳон терминалига боради.

Энди бу назорат-ўтказиш пунктида Ироқ чегарачилари, «Пешмерга», шунингдек, АҚШ ҳарбий хизматчилар жойлашади.