Мадриднинг “Реал” клуби ҳужумчиси Килиан Мбаппе Клублар ўртасидаги Жаҳон чемпионатининг 1/8 финал босқичида “Ювентус”га қарши бўлиб ўтадиган ўйинда майдонга тушади. Бу ҳақда жамоа бош мураббийи Хаби Алонсо маълум қилди.
-6qzR-rLJ.avif)
Испаниялик мутахассис ўйиндан олдинги матбуот анжуманида футболчининг соғлиги борасида қуйидагича фикр билдирди:
— Мбаппе ўзини анча яхши ҳис қилмоқда. У ўйинга тайёр, — дея Хаби Алонсонинг сўзларини Madrid Xtra нашри келтиради.
Аввалроқ, 19 июнь куни франциялик футболчи ўткир гастроэнтерит (ичак инфекцияси) ташхиси билан касалхонага ётқизилгани хабар қилинганди. Маълумотларга кўра, у даволаниш жараёнида 4–5 килограмм вазн йўқотган. Мбаппенинг аҳволи 18 июнь куни “Ал-Ҳилол”га қарши ўтказилган (1:1) баҳс арафасида ёмонлашган. Шу сабабли у бир неча кун давомида фақат мевалар билан озиқланиб, сув ичиш билан кифояланган. 25 июнь куни эса футболчи илк бор жамоанинг умумий машғулотларига қўшилди.
Эслатиб ўтамиз, “Реал” — “Ювентус” учрашуви бугун 1 июль оқшомида, Ўзбекистон вақти билан соат 00:00 да бошланади.
Изоҳ (0)