Ўзбекистон Президенти Шавкат Мирзиёев 28-октябр куни Тошкентнинг Яшнобод туманида қуриб битказилган «Ашхобод сайлгоҳи»ни бориб кўрди. Бу ҳақда ЎзА хабар бермоқда.
Президент Шавкат Мирзиёев 19—20 май кунлари Туркманистонга ташрифи чоғида Тошкентда Махтумқули ҳайкали очилгани, Ашхобод боғини ташкил этиш бўйича ишлар амалга оширилаётганини қайд этган эди.
Умумий майдони 10 гектардан ортиқ бўлган «Ашхобод сайлгоҳи»га кираверишда катта фаввора қурилган. «Боғдаги хушманзара дарахтлар, замонавий ўриндиқлар ва бошқа қулайликлар киши кайфиятини чоғ қилиб, атроф-муҳитга сўлимлик бахш этади», — деб ёзади Ўза.
Президент сайлгоҳ атрофи, унга туташ ҳудудларни янада ободонлаштириш бўйича топшириқлар берди.
Изоҳ (0)