Тошкент шаҳрининг Олмазор туманидаги Қорақамиш кўчаси ниҳоят таъмирдан чиқарилди. Илгарилари ҳайдовчилар айланиб ўтишга ҳаракат қиладиган йўл энди текис, равон, янги белгилар билан ажратилган, дея хабар беради «Nuz.uz».
Йўл хизмати ва махсус техника икки ҳафта давомида Қорақамиш—Келес кўчалари чорраҳасидан Қорақамиш — Ўрозбоев кўчаси кесишмасигача бўлган ҳудудда ишлади.
Эски асфальт қолдиқлари тўлиқ кўчириб ташланиб, янги қоплама ётқизилди. Йўл белгилари тортилди.
Ўзининг абгор йўллари билан донг таратган Қорақамиш даҳаси энди буткул тартибга келтирилди, дейиш мумкин. Яқинда Талабалар шаҳарчаси ва Тансиқбоев даҳаси йўллари ҳам капитал таъмирланганди.
Изоҳ (0)