Рим папаси Франциск Халқаро космик станция космонавтлари билан видеокўприк орқали суҳбатлашди

Рим папаси Франциск Ватикандан туриб Халқаро космик станциянинг экипажи билан уюштирган видеокўприк вақтида россиялик космонавт Александр Мисуркинни мақтади. Бу ҳақда ANSA’га таяниб, «РБК» хабар берди.

Папа космонавтларга бир нечта савол берди, жумладан, «Коинотни ҳаракатга келтираётган севги сизлар учун нимани англатади?» ва «бўш вақтларингда нима кўпроқ хурсандчилик бахш этади?». Мисуркин бўш вақтида аудиокитоблар тинглашини, улар орасида Антуан де Сент-Экзюперининг «Кичкина шаҳзода»си борлигини сўзлади.

Франциск бу каби жавоб ўзига ёқишини маълум қилди. «Сент-Экзюпери сизларнинг, русларнинг қонида гуманитар ва диний анъаналар борлигини шоирона тушунтириб берганини англаганингиз кўриниб турибди», — деди у.

Папа экипажга мурожаат қилар экан космонавтларни «бутун инсоният оиласини Халқаро космик станциядаги буюк лойиҳада намоён этаётгани»ни таъкидлади. Франциск космонавтлар билан 25 дақиқага яқин мулоқот қилди.