Франция пойтахти Париж шаҳрининг асосий рамзи Эйфель минорасига ташриф буюрувчи меҳмонларда гольф ўйнаш имконияти пайдо бўлди. Бу ҳақда «ТАСС» хабар бермоқда.
Гольф майдончаси 57 метр баландликда жойлашган.
Ўзига хос лойиҳа Франция гольф федерацияси ҳамкорлигида Райдер кубоги учун АҚШ ва Европа ўртасида мазкур спорт тури бўйича ўтказиладиган мусобақа олдидан ташкил этилди. Мусобақа 2018 йилнинг 25—30 сентябрь кунлари Le Golf Nationаl комплексида ўтказилади.
Кичик гольф майдончасини Парижнинг энг оммабоп диққатга сазовор масканларининг макетлари, жумладан шишадан ясалган Лувр музейига кириш пирамидаси, Биби Марям ибодатхонаси, Эйфель минораси, Гарнье операси макетлари безаб турибди.
57 метр баландликда 5 ноябргача гольф ўйнаш мумкин.
Изоҳ (0)