АҚШ сенатори Жон Маккейн Россиядаги бир қатор корхона ва ташкилотларга нисбатан янги санкциялар қўлланишини Трамп маъмурияти томонидан қўйилган тўғри қадам деб баҳолади. Бу ҳақда «Газета.ru» хабар бермоқда.
«Янги санкциялар жорий этилиши тўғрисидаги маъмурият қарори тўғри йўналишда танланган қадам. Россиянинг сайловларимизга аралашуви жавобсиз қолмаслиги керак. Рўйхат кенг кўламли бўлиши учун янада синчиклаб кўриб чиқилишини бетоқатлик билан кутяпмиз», — дейилади Маккейн ва унинг ҳамкасби Бен Кардиннинг баёнотида.
The New York Times нашри олдинроқ Трамп маъмурияти Конгрессга янги санкциялар қўлланиши эҳтимоли кўриб чиқилаётган корхона ва ташкилотлар рўйхатини тақдим этганини билдирганди.
Рўйхатга Россия мудофаа-саноат комплексининг 30 дан ортиқ корхонаси, шунингдек, ФХХ, Ташқи разведка хизмати ва Бош разведка бошқармаси киритилган.
Изоҳ (0)