Дунёда миллиардерлар сони ҳам, уларнинг бойлиги ҳам кўпайди. Шу билан бирга, илк маротаба шахсий бойлик маркази АҚШдан Осиёга кўчди, деб ёзади «Корреспондент.net» Billionaires Insights 2017 тадқиқоти натижаларига таяниб.
«Энг бой кишиларнинг давлати 2016 йилда 17 фоизга — 5,1 дан 6 триллионгача кўпайди. Шуниси эътиборга лойиқки, тарихда биринчи марта Осиёда АҚШдагига нисбатан кўпроқ миллиардерлар қайд этилди», — деди тадқиқот муаллифлари.
Энг бой кишилар 10 фоизга кўпайиб, 1542 кишига етди. 145 нафар янг миллиардер бутун дунё бўйлаб 2,8 миллионта ишчи ўрнини яратди. Сайёранинг энг бадавлат одамлари эгалик қиладиган корхоналарда жами 27,7 миллион киши меҳнат қилади.
Осиёда, асосан Хитойда, айни пайтда 637 нафар миллиардер (бир йил ичида ўсиш 25%), АҚШда — 536, Европада — 342 миллиардер яшайди. Миллиардерлар клубида аёллар улуши ўндан бир қисмни ташкил этади.
АҚШ ва Европада 70 ёшдан кичик ва катта бўлган миллиардерлар пропорцияси деярли тенг бўлса, Осиёда супер-бойларнинг 80 фоизи ҳали 70 ёшга тўлмаган.
Изоҳ (0)