Россияда АҚШдаги президент сайловлари чоғида Дональд Трамп ва Ҳиллари Клинтоннинг ахборот кампаниясини олиб борган «троллар фабрикаси» Трампнинг ғалабасидан кейин саноқли кунлар ўтгач, унга қарши митинглар ташкиллаштиришга ўтган, деб ёзади «Корреспондент.net» BuzzFeed News’га таяниб. У ўз наватида Россиянинг «троллар фабрикаси» мутахассислари очган BlackMattersUS Facebook-гуруҳига асосланмоқда.
Нашр қайд этишича, ушбу гуруҳ яқинда Санкт-Петербургда яратилган 180 та ижтимоий тармоқ аккаунтларидан бири сифатида аниқланган. «Троллар фабрикаси»нинг фаолияти оддий троллинг чегарасидан анча узоқ кетган — у шунингдек, АҚШда норозилик кайфиятини сингдириш ва аллақачон мавжуд бўлган зиддиятларни кучайтиришга ҳам қаратилган.
Нашр эслатишича, Петербургнинг «троллар фабрикаси» АҚШ президенти сайловларидаги ишлар учун ўз штатининг учдан бир қисмини ажратган эди.
Изоҳ (0)