Қозоғистон президенти Нурсултон Назарбоев янги қозоқ алифбоси лойиҳасини тасдиқлаш тўғрисидаги фармонни тайёрлашни буюрди. Бу ҳақда мамлакат раҳбарининг матбуот хизматига таяниб, «Коммерсантъ» хабар берди.
«Комиссия ўз ишини якунлади. Сўнгги вариант чоп этилди. Олимлар, тилшунослар, сиёсатчилар, ёшлар, Қозоғистон халқи ассамблеяси вакиллари ўртасида якдиллик мавжуд. Умуман олганда, жамият қўллаб-қувватламоқда», — деди у маъмурият раҳбари Адилбек Жаксибеков ва унинг биринчи ўринбосари Марат Тажин билан бўлиб ўтган учрашувда.
Назарбоев қозоқ алифбосини лотин графикасига босқичма-босқич ва тизимли ўтказишга эътибор бериш муҳимлигини таъкидлади.
Эслатиб ўтамиз, ишчи гуруҳ қозоқ тилини лотин графикасига ўтказиш бўйича ишлар сарҳисобини президентга 9 октябрь куни тақдим этганди. Дастлабки ҳисоб-китобларга кўра, лотин графикасига ўтиш мамлакат бюджетига 115 миллион долларга тушади.
Изоҳ (0)