Туркия полициясининг аксилтеррор бўлинмаси 2016 йилда содир бўлган тўнтаришга уринишга алоқадорликда гумонлаб, мамлакат Ташқи ишлар вазирлигининг 120 дан ортиқ собиқ ходимларини қўлга олишни бошлади. Операция 26 октябрь куни бир вақтнинг ўзида мамлакатнинг 30 та вилоятида бошланди. Бу ҳақда «Коммерсантъ» хабар берди.
Хабар беришларича, қўлга олингаларнинг бари АҚШда яшаётган мухолифатчи Фатҳуллоҳ Гуленга алоқаси борликда гумон қилиниб, ишдан бўшатилган эди.
Уларнинг аксарияти хабарларни шифрлаш имконини берувчи ByLock мессенжеридан фойдаланган. Туркия ҳукумати Гуленнинг тарафдорлари ўзаро мулоқотда айнан шу дастурдан фойдаланишларига ишончи комил.
Эслатиб ўтамиз, давлат тўнтаришига уриниш ҳаракатларидан сўнг, Туркия ҳукумати Гуленга алоқадорликда гумонлаб 50 мингдан ортиқ шахсни ҳибсга олган ва 110 мингдан ортиқ фуқарони давлат хизматидан бўшатиб юборган эди.
Изоҳ (0)