Ҳуқуқ-тартибот ходимлари СССР халқ артисти Армен Жигарханян раҳбарлигидаги Москва драматик театрига тинтув билан келди. Бу ҳақда Meduza хабар бермоқда.
Тинтув доирасида бухгалтерия ҳужжатлари олинмоқда. Тинтувни ким ўтказаётгани ва нима билан боғлиқ эканлигига аниқлик киритилмади.
Театр директорлиги лавозимини яқин вақтгача 82 ёшли Жигарханяннинг турмуш ўртоғи, 38 ёшли Виталина Симбалюк-Романовская эгаллаб турганди. 19 октябрь куни у театрни тарк этиши ва турмуш ўртоғи билан ажралишини маълум қилди.
Жигарханян «НТВ» телеканалига берган интервьюсида турмуш ўртоғини унинг мол-мулки ва театрни эгаллаб олишга уринишда айблади. 25 октябрь, чоршанба куни эса театр биносида паспорти ўғирлангани юзасидан полицияга шикоят қилди, шундан сўнг жиноий иш қўзғатилди.
Изоҳ (0)