Франциядаги Лувр музейи маъмурияти санъацевар фуқароларга мурожаат қилиб, қирол Франциск I нинг дуолар китобини сотиб олиш учун пул хайрия қилишни сўради. Бу ҳақда «ТАСС» хабар бермоқда.
Аукциондаги нархи 10 миллион еврони ташкил этадиган китоб хариди учун бир миллион евродан кам бўлмаган пул йиғиш зарур. Мазкур сумманинг ярмини ҳашаматли буюмлар савдоси билан шуғулланувчи LVMH компанияси беради.
Лувр музейи эса 5,2 миллион миқдоридаги йиллик даромади эвазига санъат асарини қўлга киритишни режалаштирмоқда. Қайд этилишича, Луврнинг пул йиғиш бўйича кампанияси 24 октябрда бошланди ва келаси йилнинг 15 февралида якунланади.
Бу турдаги акция музей томонидан қимматбаҳо санъат асарларини сотиб олиш учун саккизинчи марта ўтказилмоқда.
Музей директори Жан-Люк Мартинез қирол Франциск I нинг дуолар китоби Луврнинг қимматбаҳо экспозициялари қаторидан ўрин эгаллашига умид қилмоқда.
Изоҳ (0)