Россиянинг АҚШдаги элчихонаси Американи «ОАВларнинг тинчгина ишлашига қўйиб беришга» чақирди. Бу ҳақда элчихонанинг сайтига асосланиб, «Газета.ru» хабар берди.
«Россия бир неча бор АҚШдаги рус ОАВларининг мақомини хорижлик агентларга ўзгартириш уларнинг ишини қийинлаштириши ва журналистлар жамоаларига муаммо туғдириши мумкинлигини маълум қилган», — дейилади хабарда.
Таъкидланишича, Вашингтон RT телеканали ва бошқа рус оммавий ахборот воситалари АҚШда босимга учрамагандек вазиятни тақдим этишга уринмоқда, Россиядаги Америка ОАВларидан фарқли ўлароқ.
Аввалроқ, RT телеканали АҚШ ҳукумати томонидан белгиланган муддат ичида хорижлик агент сифатида рўйхатдан ўтишни истамаганлиги ҳақида хабар берилганди.
Изоҳ (0)