Ироқ Курдистони мустақиллик тўғрисидаги референдум натижаларини музлатишга тайёр. Бу ҳақда автономия ҳукумати сайтида жойлаштирилган баёнотда маълум қилинди, дея хабар беради «РИА Новости».
«Курдистон халқи олдидаги мажбуриятларимизни бажариш учун Ироқ ҳукумати, халқи ва жаҳон жамоатчилигига қуйидагиларни таклиф этамиз: 1. Ўт очишни зудлик билан тўхтатиш ва Курдистондаги барча ҳарбий операцияларга чек қўйиш. 2. Ироқ Курдистонида ўтказилган референдум натижаларини музлатиш. 3. Курдистон минтақавий ҳукумати ва Ироқ федерал ҳукумати ўртасида конституция асосида очиқ мулоқотни бошлаш», — дейилади баёнотда.
Курдистон расмийларига кўра, Ироқ қўшинлари ва курд қуролли тузилмалари — пешмерга ўртасида 16 октябрда бошланган можаро «икки томонга ҳам зарар етказди ва тўхтовсиз қон тўкилишига олиб келиши мумкин».
Арбиль Бағдодга ўт очишни тўхтатиш ва мулоқотни бошлашни таклиф қилди
Изоҳ (0)